NADAL 2015

Un ano máis familia e escola, tivemos unha cita na Casa da Cultura de Ribadavia, para celebrar o noso tradicional Festival de Nadal.

O programa incluía: teatro, musical, panxoliñas, christmas carols, baile da carrasquiña ...

E para rematar a ANPA  entregou os premios ás postais gañadoras. Visita de PAPA NOEL e despedida cunha riquísima chocolatada   (a cargo da ANPA).

nadal 2015 -

GRAZAS FAMILIAS POLA VOSA ASISTENCIA !!!

CONCURSO DE POSTAIS

Os gañadores do concurso de postais, celebrado pola ANPA, foron:

  PRIMARIA

                                                         

                                                                Iago González Gómez

    INFANTIL

                                                      

                                                                 Rubén Mosquera Pérez

                      Grazas Familias por participar!!!

 

HOMENAXE A D. XOSÉ NEIRA VILAS

Recordamos con moito agarimo o gran escritor galego que foi, e a sorte que tivo o CRA AMENCER, xunto con outros "CRAS" que forman o proxecto da "NUBE", de contactar a través de videoconferencia con el, para que os nenos/as lles fixeran preguntas sobre a súa obra.

PREME NA IMAXE PARA VER A MULTICONFERENCIA

Traballo sobre o libro " Memorias dun neno Labrego", no seu 50 aniversario.

GRAZAS, POLO TEU PENSAMENTO E A TÚA OBRA!!!

MAGOSTO 2015

A primeira xuntanza chegou co MAGOSTO, na escola de San Cristovo. Aproveitamos esta xuntanza para disfrutar da visita do SEPRONA, que sorprendeunos mostrandonos os utensilios de traballo para protexer o medio ambiente.

A ANPA colaborou cun creativo mural e photocall.

Taller creativo reciclaxe, circuito, xogos populares (chapas, peón..), fogata, castañas e chourizos, para rematar esta tradicional xornada.

magosto 2015 -  

Arredor da fogata cantamos ao MAGOSTO.

                                       

TERRORÍFICO SAMAÍN-HALLOWEEN

 Os nenos/as do Cra Amencer, vivenciaron nas súas escolas o Samaín-Halloween. Pero xuntámonos a través de videoconferencia para cantar a canción de Mamá Cabra "Samaín", que preparou o profe de música,  e tamén aproveitamos para ver os nosos disfraces.

samaín 2015 - 

EXPOSICIÓN DE CABAZAS NA PRAZA DE ABASTOS

Un ano máis, as familias sorpréndennos con tanta creatividade decorando cabazas, por iso, nós queremos compartir co vecindario  a exposición de cabazas. A partir do día 29 na praza de Abastos de Ribadavia.

Grazas familias pola vosa colaboración.

  

CONFERENCIA FINAL " Ruralschoolcloud "

          O proxecto europeo Rural School Cloud,  resultou nunha metodoloxía educativa apoiada na tecnoloxía iCloud adaptada ás necesidades das escolas rurais europeas.           

"GRAPEHARVEST IN THE RIBEIRO"

Presentámosvos unha recopilación de actividades que se fixeron ó longo do curso 2014/15, sobre 

"A VENDIMA NO RIBEIRO", para compartir cos colegas do proxecto "Ruralschoolcloud", no apartado de tradicións.

FOMOS  VENDIMAR!!!!

EN SAN PAIO 

EN FRANCELOS

EN SAN CRISTOVO

Rosa unha mamá, fixo un PowerPoint, sobre a súa vendima en familia. Dende a recollida da uva ata a descarga na cooperativa.

Globalizando o proxecto, traballouse a arte co pintor ARCIMBOLDO 

Un notebook para aprender sobre ARCIMBOLDO e o outono, na PDI

Uunha visita ao etnolóxico de Ribadavia, para ver como se facía a vendima dos nosos avós e que trebellos utilizaban.

Roberto, un papá , explicounos moi ben con un PowerPoint, os traballos que fai na viña.

PowerPoint, sobre a ata das vides.

Así de interesante estivo a explicación de Roberto

Rosa, unha mamá , fixo de reporteira e acercounos ás aulas a "A FESTA DA VENDIMA EN LEIRO", así nós tamén disfrutamos desta tradición que se celebra  o último domingo de agosto . Os veciños pretenden conmemorar con esta festividade o inicio da recollida da uva e festexar que se converterá en viño.

vendima en LEIRO -

E como remate do proxecto visitamos a adega  Viña Costeira"

APRENDEMOS DAS NOSAS TRADICIÓNS!! 
we learn of our traditions!!

ARRANCA O CURSO!!!!!

Arrancamos con proxectos que iremos desenvolvendo ao longo do curso: VOZ NATURA, XOGADE, ALIMÉNTATE BEN (Consumo de froita na escola, Ponlle as pilas ao teu bocata), XERMOLIÑO. Continuamos co PLAMBE, Proxecto do Fomento e Uso do Galego, Rede de Escolas na Nube e Ruralschoolcloud.

 BENVIDA AO NOVO CURSO!!!!!!!!

FIN DE CURSO 2014/2015

Chegou o remate dun curso moi intenso, onde disfrutamos de moitas actividades, e así queremos despedir aos nosos graduados/as que pasan para 3º de primaria.

Agradecer a ANPA  a colaboración e compromiso para que disfrutáramos todos/as  deste día tan especial.

Tamén, este fin de curso, os nosos reporteiros de 2º de primaria entrevistan ás familias co fin de que o galego se manteña vivo entre nós e así poidan inculcar aos máis pequenos/as o uso e gusto por falar a nosa lingua.
A pregunta deste ano foi: Como usas o galego no tempo de lecer?

a

s

Ata o próximo curso

Feliz verán !!!!!

VISITA AO CPI TOMÁS DE LEMOS

Xa se está acercando a despedida dos nosos maiores e como todos os anos acompañámolos ao "CPI Tomás de Lemos", para que coñezan o cole e os que van ser os seus novos/as compañeiros/as. 

Foi moi emotivo reencontrarse alí cos seus antigos amigos/as do CRA AMENCER.

V ANDAINA

Esperábamos esta actividade, para disfrutar do entorno natural tan fermoso que temos, á beira do río Avia e facer un pouco de actividade física que é tan saudable.

Nesta andaina tamén reivindicamos o uso do galego co eslogan deste curso "XERMOLA O GALEGO QUE LEVAS DENTRO"

EXCURSIÓN A MARCELLE

MARCELLE, foi o lugar elexido para a excursión de fin de curso. Un pouco lonxe pero mereceu a pena.

Disfurtamos dun día inmersos na natureza, atendendo ás explicacións dos monitores que nos contaron as rutinas dos animais e curiosidades, talleres e tempo de lecer. 

Pasámolo chupiiii!

                              

SEMANA DA FROITA

Esta é a derradeira semana da FROITA, para despedir o proxecto, que mellor maneira que consumo de froita refrescante: melón e sandía.

A  imaxinación levounos a degustar ricos xeados moi naturais.

 

                                    

                                   

                                  

                                       

 

CONVIVENCIA CO CEIP CASTRELO DE MIÑO

O 22 de maio, non faltamos a nosa cita anual co CEIP de Castrelo de Miño, para celebrar:   As Letras Galegas.

O programa foi o seguinte:
- Acollida coa canción de Benvida.
- Poema musicado: "Rosalía Pequeniña".
- Certame de recitado de poemas de Xosé Filgueira Valverde  e Rosalía de Castro.
- Interpretación das cancións: Rocanrol Dragón, de Magín Blanco.O Mercado, de María Fumaça.
- Playbacks
- Taller para eleborar as mascotas das nosas biblioteca: "Oitopés"  e a "Xoaniña Rosalía"
- Comida e despedida.

Grazas pola vosa acollida, disfrutamos moito do día.

Contade con nós para o próximo curso!!!

 Rosalía

    Oitopés

LETRAS GALEGAS 2015

O 17 de maio non pode faltar un recordo á que foi a obra literaria que inicia o "Rexurdimento" da literatura e da cultura moderna galega: "CANTARES GALLEGOS" de Rosalía de Castro. Xa que foi o inicio da celebración,  do Día das Letras Galegas, co motivo de homenaxear a algún escritor ou escritora en lingua galega.

 Este é o noso pequeno recordo a esta obra literaria

 Este ano o homenaxeado é:

 XOSÉ FERNANDO FILGUEIRA VALVERDE

Así traballamos sobre a vida e obra de Xosé Filgueira Valverde, con actividades escritas e online.

Cartel feito no Taller de Rosalía

Escola de San Paio

Escola de San Cristovo

Escola de Francelos

SEMANA DA FROITA

Si Unha vez máis a froita en maio é a protagonista das aulas. As actividades vanse sumando, dende montar unha froitería e vender a froita, co obxectivo de manexarse coas moedas, lista de precios, pesadas... matemáticas divertidas con froitas. O sistema solar en froita, relacionado co proxecto que estamos a desenvolver neste trimestre. Contos con froitas ...

                                         

                

                                     

                                     

                                                      

 

 

DÍA DA FAMILIA

Celebramos o "día da familia", facendo unha manualidade para agasallar a nosa familia, moi relacionada coa mascota da Biblioteca: A XOANIÑA ROSALÍA

                                     

UN DÍA ADICADO Á CULTURA

Na Casa da Cultura xuntámonos para escoitar unhas lendas populares da voz de Modesto Martínez Carballal, veciño de Francelos, a  "Lenda da Congostra do Trasno" e "Lenda de San Xes". 

 

E logo, xa no auditorio, xunto con outros centros da comarca asistimos a un "Concerto Didáctico", orquestra dos alumnos do conservatorio profesional e a escola municipal de música de Ribadavia.

"XERMOLA O GALEGO QUE LEVAS DENTRO"

Estos son os debuxos seleccionados,  que ilustran o eslogan deste curso: " Xermola o galego que levas dentro"

                                    KAREN FERNÁNDEZ LÓPEZ ( primaria)

                               

                                     NEREA LÓPEZ AREDA ( infantil)

                             

   

SEMANA DA FROITA

Na semana do 13 ao 17 de abril, a froita foi a protagonista nas aulas. Bailes, xogos, degustación, tamén contamos con elas para o proxecto dos astronautas que se desenvolve neste trimestre.

                                                    

O baile da Froita

        

Adiviña que froita é?

          

PONTE NO MEU LUGAR !!

A asociación DISCAFIS-COGAMI, estivo no CRA AMENCER, para realizar a actividade:

"SENSIBILIZACIÓN DA DESCAPACIDADE"

FÍSICA

SENSORIAL

INTELECTUAL.

Esta asociación sen ánimo de lucro ten como cometido conseguir a plena integración das persoas con discapacidade en todos os ámbitos da sociedade a través da defensa dos seus dereitos e a prestación de servizos que satisfagan as súas necesidades e espectativas.

Máis información sobre a asociación:  http://www.discafiscogami.org/discafis/gl

Os nenos e nenas do CRA, puideron experimentar a través de xogos como sería o día a día dunha persoa con discapacidade.