BO NADAL E FELIZ 2014

Co Festival de Nadal damos por rematado este trimestre e comezaremos o 2014 con moita forza.

Felices vacacións a toda a comunidades educativa!!!!!!

                                 

Grazas A Casa da Cultura pola súa colaboración e por este decorado tan orixinal e bonito.

                                                                  Preme na imaxe

GAÑADORES DO CONCURSO DE POSTAIS

Os gañadores/as do concurso de postais organizado pola ANPA, foron:

Na categoría de INFANTIL:

                                                       AINHOA PÉREZ CANITROT

Na categoría de PRIMARIA:

                                                  DANIELA RODRÍGUEZ RODRÍGUEZ


Noraboa as gañadoras, e Parabéns a tódalas familias pola colaboración.

                                        

A NUBE TAMÉN GUSTA EN EUROPA

Profesores de varios países europeos a"Rioja" e os catro CRAs que estamos no proxecto da NUBE, convivimos unha xornada no CRA Boqueixón-Vedra, disfrutando do manexo das tecnoloxías polos máis pequenos. 

Europa tamén está interesada polo noso proxecto...

                           

Ponlle as pilas ao teu bocata !!!!!!!

Hoxe xuntámonos todos na escola de San Cristovo, para poñernos as pilas cos bocatas de productos do mar en conserva. Riquííiiiiiiisimos e nutritivos !!!!!!!!

                           

                          

                                      

Cada neno e nena elaborou o seu bocata ao gusto, tomade nota...

                                    

                                                         

                                     

                                   

Mamaaaaá quero un bocata do mar!!!!!

ASÍ É O NOSO COLE

Aproveitando o concurso dos Bolechas, publicamos como os nosos nenos e nenas ven o Seu cole.

MAGOSTO

Por fin xa estamos de Magosto, este ano fixémolo un pouco máis tarde por iso lle tiñamos tantas gañas. Disfrutamos este día de xogos de habilidades, circuitos, taller de reciclado-creativo, xogo en Inglés, xogos populares coma o "Peón e a Corda". Onde a CASTAÑA foi a protagonista.

Unha gran fogata animounos a cantar cancións populares coma: "Non chas quero, non chas quero..."

E non puido faltar unha degustación de chourizos, castañas e froitas de outono.

magosto 2013

PRIMEIRA SAÍDA, AO TEATRO

O 6 de novembro deixamos as aulas para ir ao Auditorio de Ourense, a ver unha obra de teatro: "NUNCABUNGA", da compañía elefanteelegante. Foi un espectáculo sen palabras, aínda que os nenos/as trouxeron moito que contar, así o mostran nos seus debuxos. 
Despois un merecido tempo de lecer nun parque da cidade.

Teatro Nuncabunga 2013

SAMAíN-HALLOWEEN

Así disfrutamos dun día tan terrorífico. MONSTRUOSAMENTE divertido....

Videoconferencia entre as escolas

COMEZAMOS O CURSO

Así comezamos o curso falando os protagonistas do proxecto "ESCOLAS NA NUBE", cóntannos as experiencias que tiveron coa NUBE e que supón para eles.

Este curso continuaremos taballando na NUUUUBE!

BO COMEZO DE CURSO A TODA A COMUNIDADE EDUCATIVA!

Galicia está de loito

TRES RAZÓNS PARA FALAR GALEGO

Os nenos/as colleron o micrófono e fixeron de reporteiros, entrevistaron ás  familias, sobre as razóns que tiñan para falar galego. As respostas foron estas, todas de moito peso.

E as vosas razóns?....

XOGADE

PARTICIPAMOS NO XOGADE

O noso centro para fomentar o deporte participou este curso na actividade do campo a través, 

celebrándose as probas no campo do Xestal de Ribadavia. A experiencia foi moi positiva.

xogade - 

VII ENCONTRO ESCOLAR DE XOGOS TRADICIONAIS

Xa nos despedíramos e volvémonos a xuntar para disfrutar un día de intensos xogos en Ourense, onde este ano celebráronse os encontros de xogos tradicionais e a maiores participaron LUDARIA (patrimonio lúdico europeo)

O xogo destacado polos nenos/as foi:  "As carrilanas" 

BRINQUEDIA 2013 - 

XUNTANZA FIN DE CURSO

Rematou o curso e coma sempre despedímolo ao grande: Xogos, Colchonetas, Exposición de Pintura, representación da obra de Roberto Vidal Bolaño, graduación e merenda.

Agradecer a toda a comunidade educativa: Familias, profes, ANPA... O esforzo, implicación para que os nenos/as disfruten deste día tan esperado.

Só hai que mirar para as súas caras. Disfrutade!

xuntanza 2013

Coa música de Adele, Rolling In The Deep.
  Despedímonos ata o vindeiro curso.

FELIZ VERÁN!!!!!!!

UNHA FARTURA DE FROITA!

O longo deste curso o CRA AMENCER, participou no proxecto

"DISTRIBUCIÓN DE FROITAS AOS CENTROS ESCOLARES"

Os obxectivos principais deste proxecto foron:
-Tomar conciencia da importancia dunha dieta saudable.
- Coñecer distintos nomes de froitas
- Fomentar entre o noso alumnado o hábito de comer froita.
- Disfrutar da inxesta de froita como recurso alimenticio.
- Aplicar hábitos de hixiene mentres realizamos a merenda
A experiencia foi moi positiva e tódolos nenos/as alomenos probaron algunha froita, tamén disfrutamos degustándoas e fixemos actividades relacionadas co currículo.

proxecto froitas

Xosé Neira Vilas, entre nós

O 19 de xuño, os CRAS que estamos no proxecto A NUBE, estaremos de xeito  virtual con Xosé  Neira Vilas. Os nenos/as preguntaranlle pola súa vida e obra.

                  

 A escola de San Paio en representación do CRA AMENCER, preguntoulle a D. Xosé Neira Vilas, si el era o protagonista de "Memorias dun neno Labrego", si era Balbino. ....A resposta foi non, de pequeno non eran tan trasno coma Balbino.

III ANDAINA E CICLOTURISMO

Xa imos pola terceira andaina, os nenos/as de infantil  disfrutaron da beleza do noso entorno de camiño á Beronza, os nenos/as de primaria non disfrutaron tanto da paisaxe, xa que toda a súa concentracíón ía na bici.

III ANDAINA

Unha inesperada actividade, antes de partir para a andaina tivemos unha actuación musical, nada menos que Susa Herrera presentándonos o seu novo traballo.

15 DE MAIO, DÍA DA FAMILIA

Celebramos o día da Familia cun agasallo moi lúdico: "Os Tres en Rosalía"

SEMANA DAS LETRAS GALEGAS

O CRA AMENCER, celebrará a semana das "LETRAS GALEGAS" dende o 6 ao 15 de maio. Adicado este ano a:

ROBERTO VIDAL BOLAÑO (lims)

CICLO DE CINE EN GALEGO

Nesta semana veremos curtos creados por compañeiros doutros centros.As proxeccións serán o longo da semana ás 12:30 horas.

CANCIÓN DO FOLKLORE POPULAR:  "Sementar sementarei"

CONCURSO DE DEBUXO SOBRE LO LEMA:         "O GALEGO VIAXA"

Gañadora do concurso: Lúa González Gómez

CONVIVENCIA: Día 15 de maio  co      CEIP CASTRELO DE MIÑO

convivencia 2013 -

ACTIVIDADE EXTRAESCOLAR: "MAIOS EN LEIRO",12  de maio (organiza a ANPA)

UNS VIDEOS DE PACO NOGUEIRAS NODAR, SOBRE ROBERTO VIDAL BOLAÑO E A NOSA LINGUA

http://www.youtube.com/watch?v=dcieDoW8RLo

http://www.youtube.com/watch?v=_h_UD6jgiRE

VIDEOCONFERENCIA ENTRE OS CRAS QUE FORMAN PARTE DO PROXECTO "A NUBE"

Con motivo da celebración das Letras Galegas, conectámonos para escoitar o conto "A ESCOLA DE MEDRA POUCO", contado polo profe Antonio, da escritora e mestra do CRA de Boqueixón, Divina Novio Seoane. Logo tivemos un turno para despedirnos.

http://www.cesga.es/es/ver_nova/idnoticia/5145

CELEBRANDO ABRIL LIBROS MIL

A saída que tivemos o día 25 de abril foi moi densa en contido. O programa foi o seguinte:

- "Asentada pola lectura" na praza maior de Ribadavia
- Visita guiada polo museo etnolóxico, exposición: "Lembrar no Museo"
- Contacontos na casa da cultura: "O aviador" a cargo do grupo: Elefante, Elegante
- Tempo de lecer no parque.
E de imprevisto "Día de Feira"

contacontos ribadavia 2013 -

Se queredes ver polo miúdo videos das lecturas entrade na biblioteca. Premede en Rosalía

EN DEFENSA DO ENSINO RURAL DE CALIDADE

O  C.E.I.P de Castrelo de Miño, en colaboración coa ANPA, Concello de Castrelo de Miño e Mimadriña invitounos a participar nunha iniciativa a favor dunha escola pública de calidade e en defensa do ensino rural.
Para elo imos facer barquiños de papel con mensaxes pedindo que se valore e estime a escola pública e a escola do rural. Unha representación do CRA AMENCER, acercarase  o 28 de abril ás 12 da mañá ao Club Naútico cos vosos barquiños que botaremos todos xuntos.

Animádevos familias! vós tamén podedes participar

Haberá unha chea de actividades atractivas para os cativos e non tan cativos.
Para máis información podedes chamarnos ou entrar en Internet á páxina de Mimadriña.
CONTAMOS CON VOS!

Grazas CEIP de Castrelo de Miño, pola invitación.

"Os nosos desexos ían polo río o papel foi recollido polos voluntarios de protección civil"

NOTICIAS SOBRE A NUBE

A Consellería de Cultura e Educación, AMTEGA e CESGA asinarán nun convenio para o desenvolvemento da “Rede de Escolas na Nube”

                                                                          preme na imaxe para máis información

Nós tamén somos participe deste proxecto

  http://www.youtube.com/watch?v=RDoKrhrepKg

EXCURSIÓN: "CAMPO LAMEIRO"

Debido ao mal tempo vímonos na obriga de aplazar a excursión,  polo que, O venres 19 de abril iremos de excursión ao parque arqueolóxico da arte rupestre de "CAMPO LAMEIRO" en Pontevedra, será unha excursión longa pero moi produtiva para o noso proxecto da "PREHISTORIA".

 Aquí tedes un adianto do que nos imos encontrar.

Quitando a longa viaxe, disfrutamos moito do parque.

campo lameiro 2013 

PREMIO PARA A "NUBE"

Esto si que é ter bo ollo, iniciarnos nun proxecto que xa recibiu un premio.

PREMIADO O:

Proxecto de investigación educativa orientado a proporcionar servizos de computación cloud para mellorar a aprendizaxe e colaboración na escola rural: "NUBE"

Noraboa ao CRA Boqueixón-Vedra, pioneiros neste proxecto.

IMOS AO CINE!

O venres 5 de abril, iremos ao cine a Leiro a ver a peli  "LOS CROODS", como actividade que forma parte do proxecto da biblioteca: "A PREHISTORIA" que estamos desenvolvendo este curso.

Aquí tedes un adianto.

Así nos foi no cine!

cine leiro abril 2013 - 

O CRA AMENCER XA ESTÁ NA NUBE

O Cra Amencer xunto con outros CRAS de Galicia está a traballar nun  proxecto chamado "Rede de Escolas Na Nube". Onde  escola e familia, nun contorno social virtual pechado e seguro, compartirán traballo e experiencias.

Para máis información do proxecto premede na imaxe

PARA ACCEDER A NUBE DENDE A CASA, temos que premer no icono da nube, situado a marxe dereiro da páxina principal. aparécenos unha pantalla que nos pide usuario e contrasinal, ahí poredes a vosa identificación que previamente vola daremos. ASÍ DE SINXELO. 

Os nenos e nenas de primaria accederán a unha nube diferente aos de infantil. Os de primaria teñen a posibilidade de comunicarse cos seus compñeiros/as e profes, a través do chat.

Os contidos están clasificados por materias e para os de infantil por bloques de interese. Recollen e reforzan o que estamos a traballar na escola. 

Todo o profesorado espera que vos guste que a utilicedes e vos sexa de axuda, para nós supuxo formación, moito esforzo e dedicación.

 AOS NENOS/AS GÚSTALLE MOITO!

SEMANA DE PORTAS ABERTAS

VEN A VISITARNOS NA SEMANA DE PORTAS ABERTAS, DO 11 AO 15 DE MARZO EN HORARIO DE 12:00 A 12:30 HORAS.

E CHEGOU O ENTROIDO!

Familias, como xa vos comunicamos este ano imos ambientar o entroido na PREHISTORIA (os cavernícolas), motivado polo proxecto iniciado dende a Biblioteca.

O longo da semana (do 4 ao 8 de febreiro), celebraremos a semana do entroido, rematando cun gran desfile en Francelos.

Estade atentos porque andaremos ás ordes do MECO.


                                          O MECO MANDA:

VENRES:

"EN FRANCELOS ÍMONOS ATOPAR DE PRIMITIVOS E PRIMITIVAS ÍMONOS DISFRAZAR".

CRAVERNÍCOLAS POLO AMENCER

E chegou o entroido, o entroido chegou

E no  CRA AMENCER festexamos esta festa popular

San Paio a  Francelos chegou

Somos trogloditas e primitivos tamén

San Cristovo a Francelos atopou

E o desfile ao pobo tamén

Nenos e nenas cavernícolas son

Mestres e mestras tamén

Algnha nai se animou.

A banda dos trogloditas se formou

As escolas das aldeas animadas son

E disfrazados de prehistóricos van

O meco anunciou as ordes a cumplir

E no cra amencer atinamos cos atuendos a vestir

O proxecto da biblio para adiante vai

E a comparsa dos cravernícolas a festa fai

VIVA O ENTROIDO UO, UO, UO!!!!!!!!!!!!

entroido 2013 -

PERDOADE AS INTERFERENCIAS DO DIRECTO!

DÍA DA PAZ

 

Cantamos a ritmo de "Canto del Loco e Hombres G". Probamos a videoconferencia a través da NUBE, disfrutamos da presencia dos compañeiros de xeito virtual, para conmemorar todos  o día da PAZ .

"NO CRA AMENCER SOMOS AMIGOS E ESTAMOS UNIDOS".                                                                                                                                     (sobran palabras, disfrutade coas imaxes escoitando a música.

paz 2013 -